Xəbərlər

Mərkəzi icra hakimiyyəti orqanları rəhbərlərinin şəhər və rayonlarda vətəndaş qəbulu cədvəlinə uyğun olaraq, noyabrın 12-də “İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri Rüfət Mahmud İçərişəhər sakinlərini qəbul edib.

Sakinlər mülkiyyət, təmir-bərpa və digər məsələlərlə bağlı öz müraciətlərini təqdim ediblər. Görüş aidiyyəti struktur bölmələrinin rəhbərlərinin iştirakı ilə keçirilib, qaldırılan məsələlər diqqətlə dinlənilib, bir qismi yerində həll edilib, araşdırma tələb edənlər isə qeydiyyata alınaraq icrası nəzarətə götürülüb.