Xəbərlər

Azərbaycana rəsmi səfəri çərçivəsində İsrail Dövlətinin Maliyyə Nazirliyinin naziri və Azərbaycan–İsrail Birgə Komissiyasının həmsədri Zeev Elkin İçərişəhəri ziyarət edib. Qonağı “İçərişəhər” Dövlət Tarix-Memarlıq Qoruğu İdarəsinin İdarə Heyətinin üzvü Fuad Xəlilov və nümayəndə heyəti qarşılayıb. Ziyarət zamanı nazir Qız Qalası, Sıratağlı dini-memarlıq kompleksi və Şirvanşahlar Saray Kompleksi ilə tanış olub. Eyni zamanda, qonağa İçərişəhərin digər tarixi-memarlıq abidələri və turizm imkanlarının genişləndirilməsi istiqamətində görülən işlər barədə ətraflı məlumat verilib.