Xəbərlər

Azərbaycanın ilk immersiv muzeyi “Timepavilion – Bakı 1919” İçərişəhərdə!

Açılış mərasimində çıxış edən #İçərişəhər Dövlət Tarix-Memarlıq Qoruğu İdarəsinin İdarə Heyətinin sədri Rüfət Mahmud muzeyin son bir il ərzində İdarə tərəfindən istifadəyə verilən sayca altıncı muzey olduğunu qeyd edib.

O, “Bakı 1919” layihəsinin müasir texnologiyalar vasitəsilə Azərbaycan Xalq Cümhuriyyəti dövrünün Bakısını, şəhərin gündəlik həyatını və tarixi ab-havasını ziyarətçilərə daha yaxından tanıtmaq baxımından əhəmiyyətini vurğulayıb.

Layihənin ideya müəllifi Vahid İbrahimov isə çıxışında layihənin əsas məqsədinin müasir texnologiyaların imkanlarından istifadə etməklə paytaxtın tarixi keçmişini ziyarətçilərə yeni, fərqli və maraqlı formada təqdim etmək olduğunu bildirib.

📍 Böyük Qala küçəsi 48, İçərişəhər

🕙 Hər gün: 10:00–22:00