Ana səhifə

Bu sözlərin uzun illərdən bəri günümüzə gəlib çatan ənənəsi vardır. Xalqımız bu sözlərlə evinə, obasına, yurduna gələn qonaqları salamlayaraq onlara hörmətini bildirir. Elimizin ənənəsinə sadiq qalaraq biz də Sizi öz evimizdə – İçəri Şəhərdə belə salamlayırıq:

İçəri Şəhərə xoş gəlmişsiniz !

İçəri Şəhərin çox qədim tarixi vardır. Əcdadlarımızın inşa etdirdiyi bu şəhərin dəqiq tarixini müəyyən etmək çox çətindir, lakin onun minilləklərlə mövcudluğunu bu gün də ərazisində yerləşən abidələr də təsdiqləyir.
Son illər İçəri Şəhərdə görülən işləri cəmiyyət təqdir edir. Bu gün memarlığımızın və mədəniyyətimizin nadir incisi hərtərəfli diqqət mərkəzindədir. Dövlət başçısı, Azərbaycan Respublikasının Prezidenti cənab İlham Əliyevin xüsusi diqqəti nəticəsində bu gün İçəri Şəhər özünün intibah dövrünü yaşayır. Azərbaycan Respublikasının Nazirlər Kabineti yanında "İçərişəhər" Dövlət Tarix-Memarlıq Qoruğu İdarəsinin yaradılması ilə bu gün Bakının ürəyi olan İçəri Şəhərdə abadlaşdırma, təmir-bərpa işləri bu köhnə şəhərin ab-havasına uyğun şəkildə müvəffəqiyyətlə aparılır. Bu işlərin həyata keçirilməsində ictimaiyyətimizin görkəmli xadimləri və ilk növbədə ölkəmizin birinci xanımı, YUNESKO və İSESKO-nun xoşməramlı səfiri Mehriban xanım Əliyeva yaxından iştirak edirlər.
Qədim İçəri Şəhərin yeni veb-saytının (səhifəsinin) müntəzam olaraq mükəmməlləşdirilməsi və daha da zənginləşdirilməsi üçün başladığımız işləri davam etdirəcəyik. Eyni zamanda Siz də bu proseslərdən kənarda qalmayaraq qeydlərinizi, təkliflərinizi bizə göndərin.
Əziz qonaqlarımız! Ümidvarıq ki, Sizə təqdim olunan bu səhifəmizi maraqla izləyəcəksiniz. Və əlbəttə ki özünüz, dostlarınız, ailə üzvləriniz və qonaqlarınızla birgə İçəri Şəhərə təşrif buyurun. Elə qapılarımız da bu sözlərlə Sizi salamlayacaq:
İçəri Şəhərə xoş gəlmişsiniz !

XƏBƏRLƏR VƏ YENİLİKLƏR


“İçərişəhər” və “Qala” qoruqlarında “açıq qapı” günü.


15/04/2015 18 Aprel “Beynəlxalq Abidələr və Tarixi Yerlər Günü” münasibətilə “İçərişəhər” Dövlət Tarix-Memarlıq Qoruğu İdarəsi tabeliyində fəaliyyət göstərən bütün muzeylərdə “açıq qapı” günü elan edir. Belə ki, 18 aprel tarixində Bakı sakinləri və şəhərimizin qonaqları İçərişəhərdə yerləşən Qız Qalası, Şirvanşahlar Sarayı Kompleksi, Sıratağlı Dini-Memarlıq Kompleksi, Numizmatika ekspozisiyası, Tahir Salahovun ev-muzeyi, habelə “Qala” Qoruğu ərazisində fəaliyyət göstərən Qala Arxeoloji-Etnoqrafik muzey kompleksi, Əntiq əşyalar muzeyi ekspozisiyaları ilə ödənişsiz tanış olmaq imkanını əldə edəcəklər....>>>

Serbiya Respublikasının baş naziri cənab Aleksandr Vuçiç İçərişəhərdə.  

15/04/2015 Aprel ayının 15-də Azərbaycana rəsmi səfəri çərçivəsində Serbiya Respublikasının baş naziri cənab Aleksandr Vuçiç İçərişəhərlə tanış olub. Qonağı “İçərişəhər” Dövlət Tarix-Memarlıq Qoruğu İdarəsinin rəisi cənab Samir Nuriyev qarşılayıb....>>>

QALA DÖVLƏT TARIX-ETNOQRAFIYA QORUĞUNDA LAHIC DÖVLƏT TARIX-MƏDƏNIYYƏT QORUĞUNUN TƏQDIMATI

14/04/2015
YUNESKO-ya üzv olan bütün ölkələrdə olduğu kimi, ölkəmizdə də hər il 18 aprel- Beynəlxalq Abidələr və Tarixi Yerlər Günü geniş şəkildə qeyd edilir. Bu münasibətlə paytaxt Bakı ilə yanaşı respublikamızın bir çox bölgələrində də müxtəlif formatlı layihələr icra edilir, qoruq və muzeylərdə 18 aprel tarixində acıq qapı günləri keçirilir....>>>

Tahir Salahovun ev muzeyində növbəti “Muğam məclisi” keçirilib.

11/04/2015
Aprel ayının 11-də xalq rəssamı Tahir Salahovun ev muzeyində “İçərişəhər” Dövlət Tarix-Memarlıq Qoruğu İdarəsinin və Azərbaycan Respublikasının Prezidenti yanında Gənclər Fondunun təşkilatçılığı ilə növbəti “Muğam məclisi” tədbir keçirilib....>>>

Əfqanıstan nümayəndə heyəti İçərişəhərdə.

10/04/2015 Aprel ayının 10-da Azərbaycana rəsmi səfəri çərçivəsində Əfqanıstan mədən və neft naziri cənab Daud Saba və Əfqanıstan prezidentinin MDB ölkələri üzrə səlahiyyətli nümayəndəsi cənab Şaker Karqar İçərişəhərlə tanış olub. Qonaları “İçərişəhər” Dövlət Tarix-Memarlıq Qoruğu İdarəsinin nümayəndələri qarşılayıblar....>>>