Ana səhifə

Bu sözlərin uzun illərdən bəri günümüzə gəlib çatan ənənəsi vardır. Xalqımız bu sözlərlə evinə, obasına, yurduna gələn qonaqları salamlayaraq onlara hörmətini bildirir. Elimizin ənənəsinə sadiq qalaraq biz də Sizi öz evimizdə – İçəri Şəhərdə belə salamlayırıq:

İçəri Şəhərə xoş gəlmişsiniz !

İçəri Şəhərin çox qədim tarixi vardır. Əcdadlarımızın inşa etdirdiyi bu şəhərin dəqiq tarixini müəyyən etmək çox çətindir, lakin onun minilləklərlə mövcudluğunu bu gün də ərazisində yerləşən abidələr də təsdiqləyir.
Son illər İçəri Şəhərdə görülən işləri cəmiyyət təqdir edir. Bu gün memarlığımızın və mədəniyyətimizin nadir incisi hərtərəfli diqqət mərkəzindədir. Dövlət başçısı, Azərbaycan Respublikasının Prezidenti cənab İlham Əliyevin xüsusi diqqəti nəticəsində bu gün İçəri Şəhər özünün intibah dövrünü yaşayır. Azərbaycan Respublikasının Nazirlər Kabineti yanında "İçərişəhər" Dövlət Tarix-Memarlıq Qoruğu İdarəsinin yaradılması ilə bu gün Bakının ürəyi olan İçəri Şəhərdə abadlaşdırma, təmir-bərpa işləri bu köhnə şəhərin ab-havasına uyğun şəkildə müvəffəqiyyətlə aparılır. Bu işlərin həyata keçirilməsində ictimaiyyətimizin görkəmli xadimləri və ilk növbədə ölkəmizin birinci xanımı, YUNESKO və İSESKO-nun xoşməramlı səfiri Mehriban xanım Əliyeva yaxından iştirak edirlər.
Qədim İçəri Şəhərin yeni veb-saytının (səhifəsinin) müntəzam olaraq mükəmməlləşdirilməsi və daha da zənginləşdirilməsi üçün başladığımız işləri davam etdirəcəyik. Eyni zamanda Siz də bu proseslərdən kənarda qalmayaraq qeydlərinizi, təkliflərinizi bizə göndərin.
Əziz qonaqlarımız! Ümidvarıq ki, Sizə təqdim olunan bu səhifəmizi maraqla izləyəcəksiniz. Və əlbəttə ki özünüz, dostlarınız, ailə üzvləriniz və qonaqlarınızla birgə İçəri Şəhərə təşrif buyurun. Elə qapılarımız da bu sözlərlə Sizi salamlayacaq:
İçəri Şəhərə xoş gəlmişsiniz !

XƏBƏRLƏR VƏ YENİLİKLƏR

San-Marino Respublikasının kapitan-regentləri Andrea Belluzi və Roberto Venturini İçərişəhərlə tanış olub.

11/06/2015
İyun ayının 11-də San-Marino Respublikasının kapitan-regentləri Andrea Belluzi və Roberto Venturini İçərişəhərlə tanış olub. Qonaqları “İçərişəhər” Dövlət Tarix-Memarlıq Qoruğu İdarəsinin nümayəndələri qarşılamışdır....>>>

“Bakı-2015” birinci Avropa Oyunları zamanı İçərişəhərin könüllüləri.

11/06/2015
“Bakı-2015” birinci Avropa Oyunlarının başlanmasına 1 gün qaldı. 1 gün sonra bütün dünyanın diqqəti Azərbaycanın paytaxtı Bakı şəhərində olacaq. Ölkəmizdə keçiriləcək bu möhtəşəm idman bayramı zamanı Azərbaycana gələn xarici turistlərin üz tutacağı məkanlardan biri də qədim İçərişəhər olacaq. Bu zaman qədim şəhəri gəzməyə gələn əcnəbi turistlər məlumatsız qalmayacaqlar....>>>


VI Beynəlxalq “Qız Qalası” incəsənət festivalı keçiriləcəkdir.

08/06/2015
Heydər Əliyev Fondunun təşəbbüsü və xüsusi dəstəyi, IDEA (Ətraf Mühitin Mühafizəsi Naminə Beynəlxalq Dialoq) İctimai Birliyi, Müasir İncəsənət Muzeyi, "Qız Qalası" incəsənət qalereyası və Bakı 2015 Avropa Oyunları Əməliyyat Komitəsi təşkilatçılığı ilə Azərbaycan Respublikasının Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsi tərəfindən möhtəşəm idman bayramı-“Bakı 2015” birinci Avropa Oyunları ərəfəsində, 11-14 iyun tarixlərində İçərişəhərdə “Qız qalası” Beynəlxalq incəsənət festivalı keçiriləcəkdir....>>>

Avstraliya parlamentinin üzvlərindən ibarət nümayəndə heyəti İçərişəhərlə tanış olub.

05/06/2015
İyun ayının 5-də Avstraliya parlamentinin üzvlərindən ibarət nümayəndə heyəti İçərişəhərlə tanış olub. Qonaqları “İçərişəhər” Dövlət Tarix-Memarlıq Qoruğu İdarəsinin nümayəndələri qarşılamışdır....>>>

İçərişəhərdə elmi kitabxana istifadəyə verildi.

02/06/2015
“İçərişəhər” Dövlət Tarix-Memarlıq Qoruğu İdarəsinin Elmi-mədəni Mərkəzi tərəfindən İçərişəhərdə yerləşən, orta əsrlərdə tikilmiş Dördbucaqlı qalada ("İncəsənət qalası") elmi kitabxana təşkil olunmuşdur. Kitabxana Azərbaycan tarixinin tədqiqata ehtiyacı olan sahələri, o cümlədən Bakı, İçərişəhər, Abşeron, Qobustan, Qala kəndinin tarixi, mədəniyyəti və memarlığı ilə bağlı 700-ə yaxın aidiyyatı kitabdan ibarət əhəmiyyətli materiallarla zəngindir....>>>