Ana səhifə

Bu sözlərin uzun illərdən bəri günümüzə gəlib çatan ənənəsi vardır. Xalqımız bu sözlərlə evinə, obasına, yurduna gələn qonaqları salamlayaraq onlara hörmətini bildirir. Elimizin ənənəsinə sadiq qalaraq biz də Sizi öz evimizdə – İçəri Şəhərdə belə salamlayırıq:

İçəri Şəhərə xoş gəlmişsiniz !

İçəri Şəhərin çox qədim tarixi vardır. Əcdadlarımızın inşa etdirdiyi bu şəhərin dəqiq tarixini müəyyən etmək çox çətindir, lakin onun minilləklərlə mövcudluğunu bu gün də ərazisində yerləşən abidələr də təsdiqləyir.
Son illər İçəri Şəhərdə görülən işləri cəmiyyət təqdir edir. Bu gün memarlığımızın və mədəniyyətimizin nadir incisi hərtərəfli diqqət mərkəzindədir. Dövlət başçısı, Azərbaycan Respublikasının Prezidenti cənab İlham Əliyevin xüsusi diqqəti nəticəsində bu gün İçəri Şəhər özünün intibah dövrünü yaşayır. Azərbaycan Respublikasının Nazirlər Kabineti yanında "İçərişəhər" Dövlət Tarix-Memarlıq Qoruğu İdarəsinin yaradılması ilə bu gün Bakının ürəyi olan İçəri Şəhərdə abadlaşdırma, təmir-bərpa işləri bu köhnə şəhərin ab-havasına uyğun şəkildə müvəffəqiyyətlə aparılır. Bu işlərin həyata keçirilməsində ictimaiyyətimizin görkəmli xadimləri və ilk növbədə ölkəmizin birinci xanımı, YUNESKO və İSESKO-nun xoşməramlı səfiri Mehriban xanım Əliyeva yaxından iştirak edirlər.
Qədim İçəri Şəhərin yeni veb-saytının (səhifəsinin) müntəzam olaraq mükəmməlləşdirilməsi və daha da zənginləşdirilməsi üçün başladığımız işləri davam etdirəcəyik. Eyni zamanda Siz də bu proseslərdən kənarda qalmayaraq qeydlərinizi, təkliflərinizi bizə göndərin.
Əziz qonaqlarımız! Ümidvarıq ki, Sizə təqdim olunan bu səhifəmizi maraqla izləyəcəksiniz. Və əlbəttə ki özünüz, dostlarınız, ailə üzvləriniz və qonaqlarınızla birgə İçəri Şəhərə təşrif buyurun. Elə qapılarımız da bu sözlərlə Sizi salamlayacaq:
İçəri Şəhərə xoş gəlmişsiniz !

XƏBƏRLƏR VƏ YENİLİKLƏR

İçərişəhərdə 20 Yanvar faciəsinin 26-ci ildönümünə həsr olunmuş “Heç kim və heç nə unudulmur” adlı tədbir keçirilib.

18/01/2016 18 yanvar tarixində “İçərişəhər” Dövlət Tarix-Memarlıq Qoruğu İdarəsi tərəfindən onun və qurumlarının rəhbər işçiləri və əməkdaşlarının iştirakı ilə 20 Yanvar faciəsinin 26-cı ildönümünə həsr edilmiş “Heç kim və heç nə unudulmur” adlı tədbir keçirilmişdir....>>>

“İçərişəhər” DTMQ İdarəsində 2015-ci ilin yekunlarına həsr olunmuş hesabat iclası keçirilmişdir.

14/01/2016 Yanvar ayının 14-də Azərbaycan Respublikasının Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsinin 2015-ci ilin yekunlarına həsr olunmuş hesabat iclası keçirilmişdir....>>>

İçərişəhərdə yaşayan uşaqlar üçün ənənəvi yeni il şənliyi keçirilib.

30/12/2015 “İçərişəhər” Dövlət Tarix-Memarlıq Qoruğu İdarəsi tərəfindən İçərişəhərdə yaşayan uşaqlar üçün ənənəvi yeni il şənliyi keçirilib. Bayram şənliyi uşaqlarda xoş əhval-ruhiyyə yaradıb, onlara əsl bayram ovqatı bəxş edib, əyləncəli anlar yaşatmışdır....>>>

“İçərişəhər” Dövlət Tarix-Memarlıq Qoruğu İdarəsinin Yeni il yolkası.

29/12/2015 “İçərişəhər” Dövlət Tarix-Memarlıq Qoruğu İdarəsi ənənəsinə sadiq qalaraq bu il də Yeni il bayramında qeyri-adiliyi və orijinallığı ilə fərq yaradan möhtəşəm art-yolka quraşdırıb....>>>

“31 dekabr - Azərbaycan xalqının birlik şüarının simvolik günüdür”

28/12/2015 Dekabr ayının 28-də “İçərişəhər” Dövlət Tarix-Memarlıq Qoruğu İdarəsi “Şirvanşahlar Sarayı Kompleksi” tərəfindən Kiçik kanvansaray “Art Garden”da “31 Dekabr Dünya Azərbaycanlılarının Həmrəylik günü”nə həsr edilmiş sağlamlıq imkanları məhdud uşaqlar üçün “31 dekabr - Azərbaycan xalqının birlik şüarının simvolik günüdür” mövzusunda ədəbi – bədii tədbir keçirilib....>>>